I monologhi di Aldo di Mauro nascono da una attenta osservazione della realtà.

Un esempio è questa visita di condoglianze: 

 

 

       VISITA DI CONDOGLIANZE

 

(L’attore eseguirà questo monologo, come preso da una crisi. Ogni parola

viene intervallata da una risata nervosa, irrefrenabile.)

 

Ieri sono stato ad un funerale. Ih che risate! I parenti stretti erano distrutti

dal dolore. Certi facce che pareva ca’ tanto steveno murenno! Dalla mattina

vicino al cadavere del loro caro padre. Ho chiesto ad una cugina se non era

il caso di andare a prendere qualcosa da mangiare. Ma questa cugina subito

mi ha detto: “ No, in fondo quando sono arrivata io steveno mangianno!”

E’ una famiglia molto unita! Ho chiesto:” Ma che si sono mangiato?” E lei

mi ha risposto :”No, niente…nu’ poco ‘e pasta, erano quattro persone,…nu

chilo e miezo ‘e pasta con nu poco e sugo e pomodoro,…na salzulella tirata…

‘o rragù…cu appena appena ddoie tracchiulelle!...Poi, però, subito se so’

miso vicino ‘o morto a suffrì!”

‘O morto teneva ancora ‘a vocca aperta…tre ddiente, teneva sulo tre diente,

uno n’coppa e dduie sotto. Pareva che ridesse!...N’uocchio era rimasto

aperto. ‘A vocca tirata, l’uocchio spalancato…ih che ictus disgraziato!

Eppure gli occhi dell’amore sublimano ogni cosa. E figlie o guardavano

n’cantate.  “Quanno è bello!”  A me, me faceva n’impressione! E tanto

e ll’impressione che me faceva, nun me n’accurgevo da bellezza!

E po’, saranno state le sofferenze, ma ‘e sopracciglie non erano distese.

Comme si te guardasse con uno sguardo cattivo, arcigno, invece ‘e figlie

dicevano che aveva un’espressione felice, distesa. Dicevano:”Pare comme

si vulesse parlà! Nun pare ca è morto!”   Eppure in vita doveva essere

diverso, pecchè vicino a me ce steva ‘a guardaporta che murmuriava…

e quanno ce n’ha ditto! “Tene ‘a faccia soddisfatta, stu chiaveco, pure

mò ca è morto rimmane sempe nu chiaveco! Chillo mo starà penzanno

“v’aggio dato e turmiente e mò stò na bellezza!”

Però ‘a vicina e casa, ca o cunusceva bbuono, scorgeva al lato della bocca

un ghigno amaro, una piegolina, come di chi, invece aveva del rancore o

la malinconia di chi non è riuscito a realizzare proprio tutti i suoi desideri.

Diceva:” A me me pare comme si stesse penzanno “n’atu ppoco aveva campà

e allora si che me levavo tutte e sfizie, parola mia v’avesse tirato ‘e streppe

a culo!”

Io po’, ogni tanto, mi guardavo intorno, a contemplare quelle espressioni

tristi. C’era intorno una atmosfera malinconica. Ih che resate! Me stevo

sentenno male! Non ho mai riso tanto!

E’ trasuta ‘a sorella del defunto, si abbassava e sussurrava nell’orecchio

di qualcuno :” Na cosa v’avita mettere dint’o stomaco, che ve vulite

magnà?”… Insomma raccoglieva le ordinazioni. “ No, niente – dicette

‘a vedova- me se chiuso ‘o stomaco! Magari cchiù tardi me faccio nu

spaghetto aglio e uoglio! Po ce sta na fettina e carne a pizzaiola!”

A chell’ata parte n’ata figlia s’è rivolta ‘o frate cchiù grosso:” E’

chiamato a Bellomunno? Che cascia e pigliato? M’arraccumanno, a cchiù bella

ca ce sta!...Quanno costa?...Comme? Ma chiste so mariuole!...No, pe’ papà

ce vò na cosa semplice, che so sti cafunate? …Proprio l’essenziale. Sai che te

dico? Ca si fosse possibile, o purtasse m’braccio! O ssaccio ca nun è possibile.

Sta già perdendo liquidi. E comme se sente!” Allora è intervenuta la cognata:

“guardate che a vostro padre io o vulevo bene comme a papà mio, però

e ccose s’hanna dicere comme so’, chillo fete!...ma fete assaie! A me m’avota

‘o stomaco! Ccà dovete anticipare l’interro magari facendo risultare ca è

morto primma! Che fa si sta a deposito, ccà, si sta n’ata ora ce n’avimma

fuì tutte quante! (rivolgendosi al dottore) Dottò, nun è ca porta infezione?”

Poi è arrivato ‘o ragioniere tutto ansimante, è gliuto vicino ‘a vedova e se

le abbracciato forte forte. Era commosso e a vedova, a verità, ha fatto

na bella parte, ha lassato ‘o giurnale addò steva tutta a storia e Beautiful,

e s’è fatta na chiagnuta…e cchiù uno a guardava… cchiù chiagneva!

Che dolore! Che dolore! Io stevo murenno de resate. Na resata po’, quanno

‘o ragioniere doppo a commozione ha ditto dint’a recchia e l’inquilino

a fianco:” All’otto e meza sta ‘a partita! A me se vede!...E po’, mentre

teneva l’uocchie chine e lacrime, ha fatto na discussione n’coppe ‘o

pezzotto!

E quanno so’ venute e schiattamuorte, io mica so asciuto. No io po’ me

faccio coinvolgere! Nun saccio chi m’ha ditto:”Ascite ca ve fa impressione!”

Io aggio ditto:”Nun fa niente ma nun pozzo ascì!”…Comme, ascevo fore?

E si, perdevo ‘o controllo da situazione? Io stevo schiattanno de resate! Facevano ‘e nummere! A proposito e nummere, in un attimo e tre nummere che

ha penzato ‘o guardaporta so’ passate da uno a n’ato, ca secondo me,

‘o banculotto s’è affullato! 55, o morto minaccioso, 61, o n’fame e 71…

c’o ddico a fa?

Stevemo dicenno, quanno so venute e schiattamuorte e l’hanno

scummigliato, ih comme è asciuto vestito! Secondo me, l’hanno miso

na cammisa e quanno era guaglione, pecchè le jeva accussì stretta

ca so zumpate tre buttune! E a mugliera so guardava e diceva:

“Pare cchiù snello! S’è affinato! ‘A morte le giova!”

Ah e ppò. O mumento da discesa da cascia! I figli maschi e il genero hanno

espresso il desiderio di portare il padre a spalla. Sulo ca e tre figlie

erano alti nu metro e ottanta mentre ‘o genero era nu ziracchio e nu metro

e miezo! Per cui la bara, già era squilibrata, figurammece quanno scenneva

pe scale! Scenneva tutta smerzata, tutta storta e io penzavo ‘o muorto

ca se muveva comme si facesse a danza classica… la morte del cigno!

Chi sa quanta jastemme e che giramento e capa! Però i figli facevano

un’espressione di dolore troppa bella e mentre si sentivano protagonisti

di una scena tanto commovente di fronte ad un pubblico che certamente

stava apprezzando quel gesto d’amore, ognuno e lloro certamente

steve penzanno:”Sa che figura e mmerda si a cascia ce cade a mano?

Chi penzava che fosse accussì pesante?” Uno dei figli cercava con lo

sguardo la comprensione della moglie che gli camminava a fianco, ma

la moglie, la nuora, immediatamente gli sussurrava:”fino all’ultimo

s’è abbuffato! Patete ogni cosa che lle dive, rispondeva “ne voglio solo

un pochino, per saggiare…”e un pochino un pochino, assaggianno

assaggianno…ha strafucato comme a nu porco fino all’ultimo!

E se lamentava delle flebo, diceva can nun suppurtava chell’acqua e

zucchero…mò ce mettevamo a zuppa e suffritto dint’a flebo!”

Nel frattempo la bara è stata sistemata nel carro funebre e ‘o frate

cchiù grosso, con lo sguardo, assegnava e poste fino alla terza fila.

Ma che stevemo ‘o Mercadante!

E mentre ‘o corteo camminava, guardava sott’uocchie e facce da gente

d’o quartiere, pure per controllare si steva riuscendo tutto bene!

Uno dopo tanta organizzazione, pure vò nu poco e soddisfazione!

E stu corteo nun ferneva mai, pecchè ‘a vedova, a stronza, che però

camminava dint’a na machina, ha vuluto purtà ‘o marito addò è nato,

addò è cresciuto, dove ha lavorato…inzomma quanno è fernuta

tenevamo tutte quante e bolle sotto e pere!

Però i funerali danno la possibilità a tanta gente di incontrarsi!

In quarta fila c’erano due cugini, ca nun se vedevano dal funerale

di un altro zio. E quanti ricordi! Ricordi e quanno erano guaglione!

“T’ha ricuorde a Rituccia? E quanno era bbona! S’è miso cu chillu…!

Nun saccio che ce ha truvato?”  “E che ce ha truvato? Tene e sorde!”

E a fila di dietro “E jammo a ce movere! Ih che musciaria! Se so fatte

e cinche, ih che murtorio!”

E ancora cchiù areta “Te si tagliata e capille? Stai meglio! Me piace

e cchiù cu e capille cchiù curte!”   Fino ad arrivare a “E tu che ce

fai ccà?” “Niente stammatina scioperammo pure nuie e Pomigliano.

Sulo ca stu’ corteo nun fernesce mai!”   “O corteo, ma quale corteo?”

“Pecchè nun stai scioperanno pure tu pa’ Fiat e pe l’articolo 18?”

“Ma qua corteo, chisto è o funerale e Don Giuvanni!”

“E chi è Don Giuvanni?”  “O pate e n’amico che abita dint’o palazzo

mio!” “ E che me ne fotte a me e Don Giuvanni? Chi o conosce?” e

bestemmiando bestemmiando se ne va.

Ah, poi viene il momento dello scioglimento del corteo e ognuno

cercava e se fa vedè dai parenti del morto pecchè si no “ So’ venuto

fino a ccà e si nisciuno me vede, aggio sulo perduto o tempo!”

Allora me so miso in fila pur’io. I figli in fila aspettavano e ognuno,

quando arrivava al cospetto di questa corte, si avvicinava e dava

la stretta di mano, poi un abbraccio e poi il bacio sussurrando

“Condoglianze!”

Quando è venuto o turno mio, me so’ avvicinato e a uno a uno ho

dato le mie condoglianze, sulo c’aggio perduto o cunto  perché ad

un certo punto uno me risponde:” Ne ma pecchè me facite e

condoglianze pure a me?”  “Perché non siete un parente?” ho

detto io. “Io parente – me fa chillo – io me so fermato pe cercà e capì

chi era morto! Ma nun conosco a nisciuno!”

“Va buò scusate, ma nun ve mettite allora dinto o reparto de pariente!”

A faccia e chillu povero ommo m’è rimasta accussì impressa, ca io

camminavo e ridevo comme a nu scemo!

Tanto che ho incontrato un amico che vedendomi così divertito,

vuleva sapè addò stevo venendo. Ma non glielo ho voluto dire!

Ma lui incalzava:” Si si stato a na parte addò ce se diverte tanto,

a prossima vota e a purtà pure  a me!...

E io:”Madonna, me stai facendo murì de resate!”

E isso:” E io sto murenno da voglia e sapè!”

(La risata diventa contagiosa) “Stammo murenno ognuno pe na cosa!

E guarda guà…se sta facendo ‘a folla, ca ce guardano e rideno pure

loro, comme si avessero visto a dduie pazze!...Robba a murì!!!

Guarda guà, ce guardano e moreno de resate! Marò, me sento e murì

pur’io!...Pure tu? Allora è overo a morte è troppo nu spasso!!”

 

 

 

   

Biografia   -  Profilo Bibliografico  -  Libri   -   Teatro   -   Musica   -   Contatti  -  Homepage